铁达尼极限
点解《铁达尼号》咁浪漫？因为喺铁达尼号呢个大邮轮上面，你系乜野都唔使做嘅除咗谈情! 净系谈情唔使揾食，你话几浪漫! 净系唔使揾食已经浪漫死啦! 迪卡比欧，琪温斯理，一日喺个船度，唔使揾食，一日到黑净系等食，所以《铁达尼号》原来有个戏名，叫做《一段等食的爱情》。(唱)“我~ 等，无牵挂的等，等早餐等到食晏，到夜晚，认真识叹~~~” 啊？啊？ 又开饭啊~ I'm king of the world !!
呢个爱情系有个极限嘅~~男人同女人对爱情最大嘅分别系乜野？我话比大家知。男人系爱情里面最重要嘅要求就系“新鲜”！那唔系卖紧啤酒广告，OK？而女人对爱情最大嘅要求就系“保鲜”！真系好刺啤酒广告。我解释清楚D，男人对爱情就要不停地揾一D新鲜嘅对象，而女人就要不停咁要求同一个对象保持新鲜。所以你成日听到好多女人对男人讲得最多嘅一句话系乜野？“你对我已经唔系好刺以前咁啦！” 系未呢？每个男人听到抓头。“我认识你先两星期咋。我点对你唔似以前甘样啊？唔通我以前认识你我唔记得咗？然后又跑返黎又再认识你啊？”
认识好耐果D又死。“阿姐，我识咗你成世啦，你成世都系度同我讲‘我对你唔似以前咁了’。唔通我前一世识得你啊？冇可能嘅嘛，个喇嘛话我上一世系一张凳黎架！仲系一张折凳，我唔多同人讲野嘅。”
各位，究竟果D女子所谓嘅“你对我已经唔系好刺以前咁啦！” 果个“以前”系几时？ 是几时呢？那值回票价啊，OK! 就系当男人认为佢地最新鲜果个时候，科学D讲，就系头三天！你抠佢嘎头果七十二小时。系果头七十二小时之内，果D男人会开足佢嘅浪漫T保，做完他余下一世都做唔番嘅行为！佢可以对住个大海教你吐口水，“吐~” 你又觉得好浪漫啊，教我吐啊~“吐!” 哎呀，呢个痰黎架，口水应该系“吐~” ，那呢个痰呢个口水.....，哎呀~~~~~好浪漫啊!
但系一过咗头果七十二小时之后，呢个男人不会再觉得呢个女人新鲜，而个女人就会觉得呢条友仔需要保鲜！
而《铁达尼号》之所以咁伟大，就系大家都过唔到七十二小时，根本唔俾机会果个男人觉得个女人唔新鲜。浸瓜佢！你见个男人跌落海，D海水好冻啊，嘀嘀甘震！但佢又会让果块浮板给个女仔，点解呢？因为他嘅T保仲开紧！“唔要紧，你用，我不用！你~~你甘新鲜！”
但系佢更加伟大，系女人面前淹死呢个男人，唔系一般嘅浸，而系用接近零度嘅冰水来浸佢！哇，咁样仲有乜办法唔“保鲜”？所以好多女性同男朋友睇完呢套戏都忍唔住眼湿湿甘出黎，一直望住个男朋友，系度谂“如果你死咗，你话几好呢？点解咁多人死都唔见你去死？
“睇完电影去边啊？...不如去游水啊？趁天气冻啊！”
系唔系呢？“铁达尼”就系告诉你：爱情好难过到七十二小时，除非你有很深厚的哲学根基！
愛情令人盲目 （前面PART）
0 comments:
Post a Comment